ليه كل حاجة مش عادى بقت عادى !!
ليه يا شباب ليه يا بنات !!
ليه لما نقعد مع بعض فى مكان ونتكلم فى اعراض الناس بقت عااادى مع انه مش عاادى !!
ليه لما تمشى فى الشارع وتلاقى شاب ولا بنت راكبين عربية ومشغلين الكاسيت على الاخر وعمالين يسقفوا ويهيصوا
يبقى عااادى مع انه مش عااادى !!
ليه لما تكون فى الجامعة وتلاقى البنات عاملين فى نفسهم البدع اللى حاطة كيلو بودرة على وشها واللى مغيره خلقتها
واللى لابسة ضيق هيفرقع ولا حتى لا بسه حجاب على الموضة.... يبقى عاادى مع انه مش عااادى !!
ليه لما تروح عند حد وتلاقيه مشغل التليفزيون على فيلم ساقط ولا كليب ماجن ولما تيجى تقوله مينفعش كده يقول عااادى مع انه مش عااادى !!
ليه لما تلاقى بنت قاعدة على كافيه وبتشرب شيشة وتبصلها تقولك عااادى وهو مش عااادى ابدااااا !!!
ليه لما تالاقى اب وام ماشين فى الشارع ومعاهم بناتهم لابسين لبس فاضح يكسف ........... يااااه عادى جدا
وهو مش عاادى خاااااالص !!
ليه لما تلاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى لسه بدرى وهو مش عااادى ابدا !!!
ليه لو اتعزمت فى فرح ولقيت العروسة بعد ما كانت محجبة قلعت حجابها أو محجبة وبترقص بحجابها وتقولها ليه؟ تقولك
عادى ما هى ليلة العمر وهو مش عادى !!
ليه لما تروح الفرح وتلاقى البنات كاسيات عاريات وحطين مكياج ومغرقين نفسهم برفان وتسأل ليه يقولوا عادى فرح بقى وهو مش عااادى !!
ليه لما تركب وسيلة مواصلات وتلاقى الشاب قاعد والعجوز واقف والشاب ولا اكنه شايف حاجة عااادى وهو مش عاادى ابدا فين النخوة والرجولة !!
ليه لما تلاقى اب ولا ام هيموتوا من الحسرة لان اولادهم رموهم فى دار مسنين يقولوا عااادى اصل ولادهم مشغولين وده مش عاادى ابدا؟؟
ليه لما نروح عزا وندخل نسمع القرآن نلاقي الناس عمالة ترغي ومش بتنصت ليه مع انه كلام ربنا تفتكروا انه عادي
لالالالالالا مش عادي خالص
ليه كل ما نفتح برنامج نلاقيهم بيكرموا مغني او ممثل ويعمله منه نجم في حين ان ناس كتير بتتعب وتخلص في اعمالها
ومحدش يعرف عنها حاجة .... هل ده شئ عادي لالالالالالالالالا مش عادي
وليه وليه وليه
لو هنفضل نتكلم من هنا لبكرة مش هنخلص من كلمة
عــــــــــــــــادى
عادى التبرج عادى السفور عادى الغيبة والنميمة والكذب عاادى
عادى اللبس الضيق عاادى الحب داخل الجامعات وفى الطرقات وخارجها عادى عدم احترام الكبير عادى!!
عادي البنطلون ابو وسط ساقط ... عشان ابقى روش... لا مش عادي
عادي نحط صورنا الشخصية على المواقع والمنتديات والايميلات...عادي محنا بالحجاب -لا مش عادي
عادى هحكي لزميلي في الشغل مشاكلي العائلية...لا مش عادي
عادي ابن عم صاحبتى يبعت لي رسايل تهريج.. اصله زي اخويا.. لا مش عادي
عــــــــــــــــــــــــــــــــــــــــــــــادى
يا نااااااااااااااااااااااااااااااااااااااااااااس
طيب اززاى عااادى هو ده اللى امرنا به الله عزوجل ولا اللى علمهولنا النبى محمد صلى الله عليه وسلم
هو ده اللى اتربينا عليه هو ده الاسلام والدين !!
لا حول ولا قوة الا بالله
المفروض يعنى هو ده اللى يحصل المفروض ده اللى بقى عااادى
ازاى يعنى الدنيا بقت ماشية بالمشقلب الصح بقى غلط و الغلط بقى صح ياريت نصحح المفاهيم
ونظبط علاقتنا ونتعلم ديننا ونطبق سنة حبيبنا ونمشى على الصراط المستقيم علشان نوصل لجنتنا
يا ترى يا جماعة هو فعلا عاااادى !!
الجمعة أغسطس 06, 2010 12:35 pm من طرف fox2010
